როგორ გავუშვათ რეკლამა ფეისბუქზე: ნაბიჯ-ნაბიჯ

ფეისბუქზე რეკლამის გაშვება ორი გზით შეიძლება: გვერდიდან პოსტის დაწინაურებით ან რეკლამების მენეჯერით (Ads Manager). მეორე გზა ცოტა რთულია, მაგრამ უფრო ზუსტად აკონტროლებთ, ვის ეჩვენება რეკლამა და რაში იხარჯება ფული. ქვემოთ — ნაბიჯები, რომლებიც პირველ გაშვებას დაგჭირდებათ.

1 / 4სანამ დაიწყებთ

1. 01
   ფეისბუქის გვერდი

   რეკლამა გვერდის სახელით ჩანს, ამიტომ ჯერ შეავსეთ გვერდის ინფორმაცია: აღწერა, კონტაქტი, მთავარი ფოტო.

2. 02
   გადახდის საშუალება

   რეკლამების მენეჯერში, ანგარიშსწორების განყოფილებაში დაამატეთ ბარათი. თუ ბარათი არ გადის, ბანკის აპლიკაციაში შეამოწმეთ, ჩართულია თუ არა ონლაინ და საზღვარგარეთ გადახდა.

3. 03
   ერთი მკაფიო მიზანი

   გადაწყვიტეთ, რა გინდათ: შეტყობინებები, ახალი გამომწერები, ვიზიტები საიტზე თუ ზარები. ერთ რეკლამას ერთი მიზანი უნდა ჰქონდეს.

2 / 4კამპანია და მიზანი

1. 04
   ახალი კამპანია

   რეკლამების მენეჯერში დააჭირეთ ღილაკს „შექმნა“ (Create) და აირჩიეთ კამპანიის მიზანი.

2. 05
   რომელი მიზანი აირჩიოთ

   თუ გინდათ, რომ მოგწერონ ან გვერდს გამოიწერონ — „ჩართულობა“ (Engagement); თუ საიტი გაქვთ — „ტრაფიკი“ (Traffic); თუ გინდათ, რომ ბევრმა ნახოს — „ცნობადობა“ (Awareness).

3. 06
   კამპანიის სახელი

   დაარქვით ისე, რომ ერთ თვეში გაიგოთ, რა იყო: მაგალითად, „ნოემბერი — თბილისი — შეტყობინებები“.

3 / 4აუდიტორია და ბიუჯეტი

1. 07
   მდებარეობა

   თუ ერთ ადგილზე მუშაობთ, აირჩიეთ ქალაქი და რადიუსი, საიდანაც ადამიანები რეალურად მოვლენ. თუ მთელ ქვეყანას მიმართავთ — საქართველო.

2. 08
   ასაკი და ინტერესები

   ძალიან ვიწრო აუდიტორიას ნუ შექმნით: ფეისბუქი თავად ეძებს, ვინ უფრო რეაგირებს. დასაწყისში საკმარისია ქალაქი, ასაკი და ერთი-ორი ინტერესი.

3. 09
   დღიური ბიუჯეტი

   დაიწყეთ მცირე დღიური ბიუჯეტით და 5–7 დღე ნურაფერს შეცვლით: ფეისბუქს სწავლისთვის დრო სჭირდება. მინიმალურ თანხას რეკლამების მენეჯერი თავად გაჩვენებთ — ის ვალუტაზეა დამოკიდებული.

4. 10
   განთავსება

   ავტომატური განთავსება (Advantage+) რეკლამას ფეისბუქზეც აჩვენებს და ინსტაგრამზეც. თუ თქვენი აუდიტორია მხოლოდ ერთ ქსელშია, ხელით დატოვეთ ის.

4 / 4თავად რეკლამა

1. 11
   ფოტო ან ვიდეო

   ნამდვილი ფოტო ან მოკლე ვიდეო თქვენი გვერდიდან უკეთ მუშაობს, ვიდრე ინტერნეტიდან აღებული სურათი.

2. 12
   ტექსტი

   პირველ წინადადებაში თქვით, რას სთავაზობთ და ვისთვის. შეთავაზება, თუ გაქვთ, — ტექსტის დასაწყისშივე.

3. 13
   ღილაკი

   „შეტყობინების გაგზავნა“, „დარეკვა“ ან „დაწვრილებით“ — აირჩიეთ ის, რაც კამპანიის მიზანს ემთხვევა.

✓გამოქვეყნების შემდეგ

რეკლამა ჯერ შემოწმებას გადის, ჩვეულებრივ რამდენიმე საათში. პირველ კვირაში ყოველდღე ნურაფერს შეცვლით: ნახეთ, რამდენი შეტყობინება ან გამოწერა მოვიდა და რა დაჯდა ერთი. ერთი კვირის შემდეგ შეადარეთ ორი ვარიანტი — მაგალითად, ორი სხვადასხვა ფოტო — და ფული უკეთესზე გადაიტანეთ.

გაინტერესებთ, რა აკლია თქვენს გვერდს? გაიარეთ 30-წამიანი ტესტი →